Арвайхээр хотод тулгамдсан асуудлын нэг болох хог хаягдлыг хэрхэн шийдвэрлэх талаар сумын Засаг дарга аймгийн удирдлагуудтай санал солилцлоо. 

Газар зүйн байрлалаар Онгийн гол, Дайргын гол, Бурхийн рашаан гээд тойрсон усны эх бүрдэлтэй учир анх хогийн цэгийг Түгий овооны хойд хэсэгт байрлуулж олон жил хог хаягдлаа шийдвэрлэж ирсэн.

Сүүлийн жилүүдэд хогийн цэгийн талбай хэмжээг багасган, нөхөн сэргээлт хийж байгаа хэдий ч хүн амын өсөлтийг дагаж хог хаягдлын хэмжээ ихсэж олон жил байрласан хогийн цэг дотроосоо халалт өгч гал, үнэр гарах асуудал үүсэж байна.