“Цахим шилжилтийг эрчимжүүлэх” зорилтот жилийн ажлын хүрээнд Арвайхээр сумын 13 багийн зорилтот бүлгийн иргэдэд цахим ур чадвар олгох сургалтыг зохион байгууллаа. Сургалтаар мэдээллийн аюулгүй байдал, цахим ур чадвараа дээшлүүлэх мэдлэгийг олгосон бөгөөд иргэдийн гар утаст төрийн үйлчилгээг хялбараар авах апплейкшныг суулган заавар зөвлөгөөг өгөв.

Түүнчлэн “Эрүүл Монгол хүн” үндэсний хөдөлгөөн, сумын Засаг даргын 2020-2024 оны үйл ажиллагааны хөтөлбөрийн хэрэгжилтийн хүрээнд Эрүүл чийрэг Өвөрхангайчууд уриан дор чөлөөт цагийг зөв боловсон өнгөрүүлэх, нийгмийн оролцоог нэмэгдүүлэх, спортоор хичээллэх зорилгоор дөрвөн төрөлт спортын тэмцээнийг зохион байгууллаа.