АРВАЙХЭЭР СУМЫН АРВАЙХЭЭРИЙН 5 ДУГААР БАГИЙН ТАНИЛЦУУЛГА

ЗАСАГ ДАРГА: Д.БУЯНТОГТОХ

УТАС: 99327139, 88507139

ЗОХИОН БАЙГУУЛАГЧ: Л.ДОРЖХАНД

УТАС: 89628880

MAIL ХАЯГ: handa_8045@yahoo.com

НИЙГМИЙН АЖИЛТАН: Г.НАРАНМАНДАХ

УТАС: 94999833

Үүсэн байгуулагдсан нь:

Арвайхээр сумын Арвайхээрийн 5 дугаар баг нь Өвөрхангай аймгийн Иргэдийн Төлөөлөгчдийн Хурлаар 1992 онд Арвайхээрийн 5 дугаар баг нэртэйгээр байгуулагдсан юм.

Газар нутгийн байршил:

Арвайхээрийн 5 дугаар баг нь Арвайхээр сумын төв хэсэгт байрладаг. Өвөрхангай аймгийн Арвайхээр сумын Арвайхээрийн 5-р баг нь баруун талаараа  1, 9-р багтай, хойд талаараа 3, 4, 8-р багтай, зүүн талаараа 13 дугаар багтай тус тус хил залгаа оршдог. Орон сууцны өрхүүд ихэвчлэн амьдардаг. Багийн нутаг дэвсгэрт Хүнс барааны төв зах, үйлчилгээний томоохон төвүүд, орон нутгийн Засаг захиргааны төв байгууллагууд, 2 сургууль, 7 цэцэрлэг, Мэргэжил сургалт үйлдвэрлэлийн төв, хувийн 2 эмнэлэг, Театр, мах, ноос болон барилгын материалын үйлдвэрүүд зэрэг аж ахуйн нэгжүүд үйл ажиллагаа явуулж байна.

Өрх, хүн ам:

2017 оны жилийн эцсийн байдлаар 1514 өрхийн 5180 хүн ам тоологдсон ба, үүнээс эрэгтэй 2463, эмэгтэй 2717 байна. Хөдөө амьдардаг буюу малчин өрх 19, аймгийн төвд суурин амьдардаг 1495 өрх байна. Мал тооллогын хувьд  нийт 25126  мал тоологдсоноос тэмээ 59, адуу 2363, үхэр 1765, хонь 11519 ямаа 9420 тус тус тоолуулсан байна.

Багийн ажлын албаны ололт, амжилт:

2016 онд” Залуучуудын хөгжил- оролцоог нэмэгдүүлэх жил”-ийн  хүрээнд зохион байгуулагдсан “Арвайхээр сумын урлаг, спортын Анхдугаар бага наадам”-д ур чадвар, авъяас билэг, хурд хүчээ сорин оролцож тэргүүн байранд орсон.

2017 онд “Ахмадаа дэмжих” зорилтот жилийн хүрээнд зохион байгуулагдсан урлаг, спортын наадамд тэргүүн байр эзэлсэн.

2017 онд Тус баг нь аймгийн Засаг даргын үйл ажиллагааны хөтөлбөр, аймгийн эдийн засаг, нийгмийн хөгжлийн зорилтуудыг ханган жилийн үйл ажиллагааны үр дүнгээрээ аймгийн тэргүүний багаар шалгарсан. Арвайхээрийн 5 дугаар баг нь спортлог хамт олон.

Бидний бахархал:

1992 оны анхны үндсэн хууль батлалцсан 4 иргэн, гавъяат ажилтанууд 5 иргэн, хөдөлмөрийн гавъяаны улаан тугийн одонтой 9 иргэн, Улсын аварга малчин 1 иргэн, Монгол Улсын аварга тариаланч 1 иргэн, аймгийн аварга малчин 1, аймгийн аварга тариаланч  1, сумын аварга тариаланч 1, сумын аварга фермер 1 тус тус аваргуудтай байна. Төрийн дээд шагнал Алтангадас, хөдөлмөрийн хүндэт медальтан болон яамны салбарын тэргүүний ажилтанууд олон байна.