Газар нутгийн байрлал:

Тус баг нь Арвайхээр сумын зүүн хойд хэсэгт байршилтай, баруун талаараа Рашаантын 8 дугаар багтай, зүүн талаараа Их-Уул Ягаан толгойн 6 дугаар багтай, урд хэсгээрээ Арвайхээрийн 5 дугаар багтай хил залгаа оршдог гэр хорооллын баг юм.

Аж ахуйн нэгж, албан байгууллага:

Багийн нутаг дэвсгэрт 10 хүнсний дэлгүүр, модон эдлэлийн үйлдвэр-1, дугуй засвар-2, оёдлын үйлдвэр-1, блокны үйлдвэр-1, өрхийн үйлдвэрлэл эрхлэж байгаа 32 иргэд  тус тус үйл ажиллагаа явуулж байна.   2019  оны жилийн эцсийн байдлаар Түшиг-Дөлгөөн ӨЭМТөвд багийн иргэдийн үзлэгт хамрагдалтын хувь болон үзүүлэлт:

Артерийн даралт ихсэх өвчний эрт илрүүлгэнд хамрагдсан 40 ба түүнээс дээш насны хүн ам – 648 иргэн буюу 100%, Чихрийн шижин хэв шинж 2 өвчний эрт илрүүлэгт- 743 иргэн буюу 93,2%, Хөхний өмөнгийн эрт илрүүлгийн үзлэгт хамрагдсан 30 ба түүнээс дээш насны эмэгтэйчүүдийн тоо – 675 иргэн буюу 116%, Умайн хүзүүний өмөнгийн эрт илрүүлгэнд хамрагдсан 30 ба түүнээс дээш насны эмэгтэйчүүдийн тоо – 94 иргэн буюу 54,6%, B вируст хепатитийн эсрэг сэргийлэх тарилгын 24 цагийн хамрагдалтын хувь- 100%, Урьдчилан сэргийлэх үзлэгийн хувь – 69%, Тавт/ сахуу, хөхүүл ханиад, татран, B хепатит, хемофилюсинфлюенза/ сэргийлэх тарилгын хамрагдалтын хувь – 95%, Улаан бурхан, гахайн хавдар, улаануудын эсрэг сэргийлэх тарилгын хамрагдалтын хувь – 93% гэх мэт үзүүлэлттэй байна. 

Сургуулийн өмнөх боловсролд 240 хүүхэд буюу 100 хувь, Ерөнхий боловсролын сургуульд 630 хүүхэд буюу 95 хувийн хамрагдалттай байна.