АРВАЙХЭЭР СУМЫН РАШААНТЫН 8 ДУГААР БАГИЙН ТАНИЛЦУУЛГА


НЭР: Д.ЛХҮМБЭ

АЛБАН ТУШААЛ: 8 ДУГААР БАГИЙН ЗАСАГ ДАРГА

УТАСНЫ ДУГААР: 99320981

И-МЭЙЛ ХАЯГ:  lhumbeDorjkhorloo@yahoo.com





НЭР: Б.НАРАНТУЯА

АЛБАН ТУШААЛ: 8 ДУГААР БАГИЙН ЗОХИОН БАЙГУУЛАГЧ

УТАСНЫ ДУГААР: 95080110

И-МЭЙЛ ХАЯГ:  NANDIA_UUGANAA@yahoo.com

           


Газар нутгийн байршил:

Арвайхээр хотын хойд хэсэгт Гандангийн засмал замаас зүүн тийш Өлзийт овооны урд хэсэг, БОЭТөвийн хойд дэнж, ЕБ-ийн 1 дүгээр сургуулийн хойд болон зүүн хэсгийн гэр хорооллын өрхүүд хамаарах бөгөөд урьд нь дан хашаа гудамжит гэр хороолол байсан бол 2012 оноос орон сууцжилт явагдаж одоогоор нийт 8 орон сууц ашиглалтад орлоо.

Өрх, хүн ам:

Тус баг 1996 оны 12 дугаар сард Өвөрхангай аймгийн ИТХурлын 03 дугаар тогтоолоор үүсэн байгуулагдсан. Анх Арвайхээр сумын 3 дугаар багийн 26-41 дүгээр гудамжны 365 өрх, 4 дүгээр багийн 1-8 дугаар гудамжны 125 өрхийг харьяалуулан нийт 490 өрх, 1890 хүн амтай байгуулагдаж байсан бол 2017 оны жилийн эцсийн тооллогоор 861 өрхөд, 2890 хүн ам байна.


           
Аж ахуй нэгж, албан байгууллага:

Багийн нутаг дэвсгэрт 250 хүүхдийн цэцэрлэг, 7 давхар “АРВАЙ ПАЛАС” зочид буудал, “Шунхлай” ШТС, “Сод”, “Арвин”, “Элит” зэрэг худалдаа үйлчилгээний төв үйл ажиллагаа явуулж байна. Арвайхээр хотыг цэвэр усаар хангах  “ЦЭВЭР УСНЫ ТӨВ САН” байрлаж, 2014 онд Азийн хөгжлийн банкны хөрөнгө оруулалтаар өргөтгөл хийгдэж, орон нутгийн хөгжлийн сангийн 1 тэрбум шахам төгрөгийн хөрөнгө оруулалтаар “ӨЛЗИЙТИЙН ТОЙРУУ” 1300 м засмал замтай болсон.

Тус багаас аймгийн ИТХурлын төлөөлөгчөөр О.Батжаргал, сумын ИТХурлын төлөөлөгчөөр Д.Сосорбарам, Б.Сангисүрэн, Д.Лхүмбэ, багийн ИНХурлын даргаар 2000-2008 онд Д.Жагд, 2008-2013 онд С.Эрдэнэцэцэг, 2013-2016 онд П.Эрдэнэбаяр, 2016 оноос Ш.Цэрэндолгор, Тэргүүлэгчдэд П.Раднаа, Х.Оюунчимэг, Н.Гаваадулам, П.Эрдэнэбаяр нар ажиллаж байна.

Багийн ажлын албаны ололт, амжилт:

1.    Цэрэндуламын Дамба - Хүний гавъяат эмч /8-34-261 тоотод оршин сууж байсан/

2.    Гомбын Очирбат - Гавьяат жүжигчин /8-27-144 тоотод оршин сууж байсан/

3.    Тамзавын Тавхай - Гавьяат багш /8-4-4 тоотод оршин сууж байгаа/

4.    Зүмбийн Бадар - Худалдааны гавьяат ажилтан /8-7-9 тоотод оршин сууж байгаа/

5.    Баярсайхан Гүндаваа - Шатрын ОУ-ын хэмжээний мастер /8-32-224 тоотод оршин сууж байсан/

6.    Баярхүүгийн Ичинхорлоо - Яруу найрагч /8-6-61 тоотод оршин сууж байсан/

7.    Ишдоржийн Ганбаатар - Монгол Улсын начин /8-28-162 тоотод оршин сууж байсан/

8.    Жанчивын Батчулуун - Алтан гадас, Цагаан сүлд одонт, Соёлын тэргүүний ажилтан, Ард түмний баатар

9.    Пунцагнамжилын Раднаа - Хөдөлмөрийн гавьяаны улаан тугийн одонт, Алтан гадас одонт, Хөдөлмөрийн хүндэт медальт, Соёлын тэргүүний ажилтан

10.  Дагдандоржийн Цэрэнжигмэд - Соёлын тэргүүний ажилтан, морин хуурч, соёлын хос өв тээгч, Улсын тэргүүний уран сайханч, Арвайхээрийн хүндэт иргэн

11.  Дарийн Жагд - Алтан гадас одонт, Соёлын тэргүүний ажилтан

12.  Цэрэндоржийн Цэрэннадмид - Соёлын тэргүүний ажилтан, Улсын тэргүүний уран сайханч

            13.  Думын Цэрэнтогтох - Соёлын тэргүүний ажилтан, морин хуурч, шатрын спортын дэд мастер.